فلسطين - البوابة 24
أثارت أزمة الفنانة المصرية حلا شيحة والفنان المصري تامر حسني، حالة من الجدل عبر مواقع التواصل الاجتماعي، وذلك بعد تصريحها الأخير الذي أعلنت فيه تبرأها من مشاهدها في فيلم "مش أنا".
بداية الأزمة
بدأت الأزمة عندما هاجمت حلا شيحة الفنان تامر حسني بعد طرحه فيديو كليب "بحبك" من فيلم "مش أنا" والذي يتضمن مشاهد رومانسية تجمعه بها، رغم أنها أعلنت براءتها من العمل، وكتبت عبر حسابها الشخصي على موقع التواصل الاجتماعي "انستجرام": "بالنسبة لفيلم "مش أنا" الحقيقة أنه تم تصويره من أكتر من سنة ونص وبسبب ظروف كورونا أتأخر جدا نزوله وانا كمان حالي اتغير واتجوزت الحمد لله والفيلم فعلًا بقى "مش أنا"، وباتمنى التوفيق لكل زملائي".
هجوم حلا شيحة على تامر حسني
وبعدما طرح تامر حسني كليب "بحبك" عبر حسابه الخاص على "إنستجرام"، ما كان من حلا شيحة إلا أن هاجمت حسني وكتبت عبر حسابها الشخصي على "إنستجرام": "أنا اتفاجئت جدًا بنزول كليب يجمع فيه مشاهد متفرقة من الفيلم وخصوصًا بعد آخر بوست نزلته ووضحت فيه أنا إيه واتفاجئت أكتر خصوصًا بعد وعد تامر حسني ليا وتأكيده أنه حیحترم رغبتي وبعض الطلبات اللي طلبتها منه بكل احترام وود الصيف اللي فات وأکدلي إنه حيحترم رغبتي".
وتابعت حلا: "إحنا يمكن نجحنا بمقاييس الدنيا بس صدقوني بمقايیس ربنا احنا لم ولن ننجح.. أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة ان ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا علشان النجاح الحقيقي حاجة تانية خالص احنا أغلبنا ناسينها إلا القليلين منا الفن لو بيخلينا نبعد عن منهج ربنا ومنبقاش قدوة لولادنا يبقي باطل و ميبقاش فن".
وأضافت: "احنا كلنا عندنا امتحان في الدنيا دي و حابة أفكرك بالفيديو ده یا تامر اللي قولت فيه انا مش بتمني أموت وأنا مطرب أنا دايمًا خايف کده.. كلام أكيد قولته في لحظة صدق جواك و جوانا كلنا، شوفه تاني يمكن يفكرك إن جواك أكيد في صراع وأنا وكلنا بنغلط بس المهم في الآخر نتدارك الغلط و نصلح .{إلا من تاب و امن عمل عملا صلحا أولئك يبدل الله سيئاتهم حسنات وكان الله غفورا رحيما.. الله على كلام الله وجماله يا سلام لو أصواتنا ومواهبنا كلها نستعملها في الخير عشان يبقى فن بجد".
رد تامر حسني
ومن جانبه، علّق تامر حسني على حلا شيحة بعد ساعات قليلة من هجوم الأخيرة، حيث كتب منشور طويل عبر "الفيسبوك" اعتبره رواد مواقع التواصل في تعليقاتهم أنها ردود محترمة، قائلا:" نهاركم جميل يا أغلى الناس الحقيقه عمري ما بتخيل إني أدخل في نقاش بالشكل دا مع زميل بحترمه و كان في بينا كل خير".
وتابع: "للتوضيح بما إنك يا حلا كتبتي بوست و أشركتي الجمهور الكريم معانا بدال ما كنتي تكلميني شخصياً و نتناقش بيني و بينك، فا أنا مضطر أرد هنا برضو".
وأضاف: "أولاً أنا عمري ما وعدتك إن الكليب مش هينزل دا محصلش اصلاً يا حلا مش أنا خالص اللي أوعد و أخلف….. الحقيقه اني إحترمت كلامي معاكي و وعدتك أشيل مشاهد تانيه طلبتيها و شيلتها بالفعل و شكرتيني عليها ولو حابه تفتكري المشاهد اللي اتشالت بعد اذنك روحي شوفيها في المونتاچ عند الأستاذ عمرو عاكف أو كلميه يبعتهالك كلها موجوده، وبعدين الفيلم بقاله ٣ أسابيع في السينمات و الكليب موجود جوه الفيلم. .هو بالنسبالك الحرام إننا ننزل الكليب على اليوتيوب بس !! .. إنما الكليب يتشاف جوه السينمات عادي ؟؟؟؟ منطق غريب فعلاً يا حلا".
وقال: "للتوضيح للجمهور الكريم أنا و المخرجه الأستاذه ساره وفيق بعتنالك وكنا بنتحايل عليكي تيجي تشوفي شغلك قبل إصدار الفيلم عشان لو عندك أي ملحوظه تقوليها، ماكنتيش بتردي علينا و تليفوناتك كلها كانت بتقفل في وشنا، إنتي للأسف يا حلا متعاملتيش صح مع الموقف كان لازم تهتمي بأمرك أكتر من كدا و لو كان ليكي أي طلب تاني كنت هعمله بكل حب إنما إنتي فجأه اختفيتي و مكملتيش تركيب صوتك في الفيلم ولا جيتي تتصوري عشان آفيش الفيلم أصلًا و مخليتيناش نعرف نعمل آفيش مجمع !!! وبقيتي تقفلي تليفوناتك و تكنسلي علينا كلنا".
واختتم تعليقه قائلًا: "بعدين أي فيلم بيبقى ليه خطه مسبقه في الدعايه و انتي عارفاها كويس و وافقتي عليها و دا كليب رومانسي يعني معقول كنتي عايزه المنتج يشيل كل مشاهدك اللي صورتيها من الكليب و يطلعني بغني و بقول الكلام الرومانسي دا للأستاذ ماجد الكدواني مثلاً هو دا يُعقل ؟؟!!!!! أنا زعلان منك جداً يا حلا على مفردات البوست بتاعك الغير موفقه ومستحيل هرد بطريقتك اللي فيها تجريح و اتهامات باطله ليا إحتراماً لحجات كتير يمكن فايتاكي بس مش هتفوتني و على فكره أنا واثق انك عارفه اني مستاهلش منك كدا و هكتفي بالتوضيح دا و ربنا يهدي الجميع و يكتبلك كل الخير اللهم آمين".
شطب حلا شيحة من "المهن التمثيلية"
ودخل الفنان أشرف زكي نقيب المهن التمثيلية في مصر على خط الأزمة، حيث أكد أن الفنانة حلا شيحة كانت تعمل خلال العامين الماضيين في الوسط الفني من خلال تصريح من النقابة بالعمل، مشيرًا إلى أنها بعد الأزمة التي أثارتها مؤخرا والتلميح بأن ''الفن حرام'' فقد تقرر شطبها نهائياً من النقابة وعدم قبول أوراقها مجددًا.
وقال زكي، إن حلا شيحة كان قد تم شطبها منذ فترة، وقد تحدثت معه بعد عودتها للفن قبل 3 سنوات بخصوص الالتحاق بالنقابة مجددًا، موضحًا أنها كانت في مرحلة إعداد الأوراق المطلوبة للعودة.
وأعرب أشرف زكي في تصريحاته عن غضبه الشديد مما بدر منها، لافتًا إلى أنها مذبذبة فكريًا، وتابع: "اللي شايفين إن الفن حرام وهيرجعونا مليون سنة ورا يخلونا لكم دينكم ولي دين".
تعليق حلا شيحة
وردت الفنانة المصرية حلا شيحة، على الجدل المثار حولها منذ تصريحاتها حول نشر فيديو كليب من فيلم "مش أنا" الذي يجمعها بالفنان تامر حسني، وشاركت صورة عبر صفحتها الخاصّة على موقع التواصل الاجتماعي "إنستجرام" تجمعها بإبنتها، وعلّقت عليها قائلةً: "حابة أشكر كل الناس الجميلة علي رسايلهم الجميلة المشجعة.. وحابة أشكر كل الصحافة اللي نشرت فتوى دار الافتاء النهارده اللي موقفي هو نفس موقفها اللي بيوضح إن التمثيل و الفن عموما زي اي مهنة في الدنيا حلاله حلال وحرامه حرام.. وأنا لا أحب ان اكون جزء من اي نوع من التطرف سواء باسم الدين او باسم الفن.. ولو نقابة المهن التمثيلية ترفض موقف دار الافتاء الواضح فهنيئا لي بشطبها لعضويتي".
وأضافت حلا: "حبي للفن محدش يقدر ينكره ولا يزايد عليه.. انا ماتكلمتش غير عن نفسي وبقدر كل زمايلي.. الزميل الوحيد اللي ذكرته هو اللي الموضوع اصلا متعلق بيه.. وعتابي ليه لحسن ظني بيه.. والعتاب في الملأ عشان الكليب في الملأ".
وتابعت: "وبالنسبة للكلام غير اللائق عن الأجر.. كل اللي في المجال شاهدين اني كنت اعتذر عن عدد كبير من الاعمال الفنية وكنت بقبل أجور أقل مما يتناسب معي تعاونًا مع صناع العمل.. وأصلا ما استلمتش الجزء الأخير من أجري في الفيلم لما أتأخر نزوله جدا و بدأت اتغير وأصلّح.. لأن بصراحة الكلام عن (أجر كبير) ضحكني. أنا فنانة بطبعي ومن صغري وكل اللي يعرفوني عارفين حبي للفن.. ودايمًا هعبر عن نفسي بمواهبي الفنية لما أحب لكن الجديد اني مش هاعمل كده على حساب اللي انا مؤمنه بيه بجد جوايا زي ما قولت مؤخرا.. انا لا اهاجم احد و لا احارب احد و لا انا افضل من احد و لا انصح احد قبل ما انصح نفسي اولاً و كلنا نخطئ مفيش حد معصوم من الخطأ، و بتمني الخير دايماً لكل الناس بما فيهم كل زمايلي و صناع العمل".
