الجريمة الضاحكة.. لص يسرق مقتنيات أحد الباعة ويكشف نفسه بطريقة غير متوقعة

تفاصيل السرقة

وقال محمد علي شقيق الضحية صابر: "أخويا جالي وقالي عايز 5000 آلاف جنيه، يجيب بيهم لعب أطفال يبيعم في مولد (سوق) الشيخ رشاد في قرية دنجا التابعة لمركز طهطا، فاديتله اللي هو عايزه".

وتابع: "صابر فضل شغال امبارح من حوالي الساعة 7 المغرب، وواقف على رجله لغاية الساعة 3 الفجر في السوق، باع بضاعة من اللي معاه بحوالي 3 آلاف جنيه، حطهم في محفظته، وحط المحفظة في بنطلونه".

وأضاف شقيق الضحية: "أخويا وهو بين الناس في وسط المولد، تقريبًا نعس شوية، وخطفه النوم وهو واقف، فجه حرامي محترف وسرق المحفظة، وفيها البطاقة الشخصية، وفيزا تكافل وكرامة، ومبلغ الـ3000 جنيه وتليفونه المحمول".

واختتم حديثه قائلًا: "تليفون أخويا مفتوح عليه حساب فيسبوك بتاعه، وهو طبعا ميعرفش يقفل تليفونه، ولا حسابه على فيسبوك، فالصبح اتفاجئنا بالحرامي منزل صور على حساب صابر الشخصي المفتوح على التليفون المسروق، الله أعلم بقى صوره ولا صور مين بالظبط، وحاولت الاتصال بالحرامي لكن ما بيردش".

روسيا اليوم

رابط مختصر

تم نسخ الرابط بنجاح.