بقلم: د. محمد البوجي
دق الباب بعد غروب الشمس .الوقت هنا مخيف من زوار الليل بقناع اسود .. تجرأت وفتحت الباب ..هم ثلاثة رجال . صافحني احدهم بشدة .كيفك يا عم . اهلا بكم . تفضلوا.. قال احدهم .. نعتذر فقط خمس دقائق ..تفضلوا .. وبعد مفردات الترحيب المخلوطة بالشك والريبة من سبب الزيارة غير المعتادة ..قال .. يا عم احنا اقارب . قلت .كل ابناء المخيم اقارب لان المصيبة تجمع المصابين .انت عارف ان جدك وابوك واهلك عندما هجروا من يبنا عام ١٩٤٨ ..اقاموا عند جدي في قرية هربيا ..قلت نعم ثلاثة اشهر اقاموها في ضيافة جدكم يرحمه الله .. اشار الى الاثنين الحضور. اشهدوا على قول عمي .. ابتسمت وقلت .. ولم الشهادة . قال . انت الان ربنا اعطاك وما شاء الله بخير .وانا ضاقت الدنيا بي واولادي . انت عارف حكام غزة .ما تركوا لنا حبة رز خلفهم نأكلها . ايدهم ناشفة ..وانا مستحيل اصير اخونجي عشان لقمة العيش . مباديء يا عم ..قلت.. احييكم على صمودكم والاعتزاز بالمبادىء القومية والوطنية.اهلا بكم.. يا عم في عندكم أمانة وانا جاي اطلبها ..تفضل ما الامانة ..جاهز انا .. جدك وابوك قعدوا في ضيافة جدي ثلاثة اشهر ..قال الاثنان .ونحن نشهد بذلك وانت يا عم اعترفت الان بعظمة لسانك .. قلت بدهشة ..ما المطلوب . بدي فلوس بدل الثلاثة اشهر . اما تعطيني فلوس او احضر انا واولادي عندكم ثلاثة اشهر .. سداد دين يا عم .. دهشت من هذا العرض الغريب .. اذا انت رفضت سارفع دعوى قضائية . والمحاكم بيننا .. قال الاثنان بصوت واحد ..ونحن شهود على ذلك .. قلت في نفسي . يا قاعدين يكفيكوا شر الجايين .. من وين لك شر الله يبعت لك .. قلت لهم ..اخر الكلام . ما حاجتكم مع بعض انتم الثلاثة . قالوا .اعطنا مما اعطاك الله . قلت .جدي مات وجدك مات والقضية ماتت . بيحاسبوا بعض عند الله في الاخره ..قال ..لا .احنا اولاد اليوم واللي له حق ما بيضيع..ثلاثة اشهر هدول يا عم ..اعمل حسبة . وانت وضميرك ..شو جبت الحمد لله ..انا ما بحب المحاكم ..قلت لهم . غدا نلتقي امام المحكمة ..لا مانع عندي من القضاء . شربتوا قهوتكم .. قالوا نعم ..قلت .. يا ولد افتح الباب .الضيوف بدها تطلع. اهلا وسهلا . يا المحاكم يا تقابلوني عند المختار .. خرجوا وقال احدهم .يا عمنا .حل الموضوع بدون مشاكل .هات اللي تجيبه . راضيين باي حاجة. قلت . خليها على وجه رمضان باتذكركم في حاجة . يا ريت ما تنسى . .والله البيت ما في رغيف خبز ناشف . هلكونا حكام غزة .. لطشوا كل البلد .قلت ولا يهمك .قريبا سارسل لكم شيئا يستحق .. مع السلامة .. اوصدت الباب وقلت .. معقوول . هل انا في حلم .
