فلسطين - البوابة 24
انتشر مقطع فيديو صادم على مواقع التواصل الإجتماعي، لتجمع في الشارع في محافظة الإسماعيلية شمال مصر، بين أسرتي وأقارب عروسين، ووصف بعض رواد مواقع التواصل الأمر بأنه مشادة كلامية تطورت لاشتباك بالأيدي، واعتداء العريس على عروسه، وتدخل الأقارب لاحتواء الموقف.
وتظهر العروس في الفيديو وسط أسرتيهما والأقارب في حالة تشبه الإغماء، بينما حاول المتواجدون في محيط الحدث إفاقتها، وبعد شد وجذب انسحبت العروس من المشهد مرددة "حسبي الله ونعم الوكيل".
نصيحة ريهام سعيد
ونصحت الإعلامية المصرية ريهام سعيد، عروس الإسماعيلية التي تعرضت للضرب من زوجها قبل حفل الزفاف، بعدم إكمال زيجتها حتى لاتستمر في القهر الذي يحدث لها بحسب وصفها، حيث كتبت عبر حسابها الخاص بموقع التواصل الإجتماعي فيسبوك: "ممكن تبقي يتيمة ومالكيش حد وممكن يبقي في حد بس ملوش لازمة لان انك تكملي الجوازه دي يبقي مالكيش حد فعلا".
وأضافت ريهام: "اوعي تغلطي غلطتي وتكملي في حاجه غلط من الأول أنا حياتي بقت صعبه أوي بسبب قرار واحد غلط اخدته، عارفه ممكن يكون قالك إيه بس إلى مايحافظش على كرامتك يبقي مش بيحبك إلى يرضي انه يكسر بخاطرك في لليله عمرك يبقي مش بيحس ولا بني ادم".
وأضافت: "غلطتي واتمنى تصلحي غلطتك ليكي رب اسمه الكريم عارفه الكلام عن الستر وبيتك وجوزك وأن مالكيش حد والفضيحه وماينفعش تطلقي بعد يوم من الجواز كل ده أي كلام اشتري نفسك وحياتك الناس مش هاتنفعك ربنا فضحه لحكمه عنده أي ست خايفه وبتكمل حياه كلها مهانة وذل عشان مالهاش حد وخايفة من كلام الناس بقول للك خلي عندك ايمان بلي خلقك ربنا عمره ما هايسيبك".
وواصلت ريهام سعيد :"غلطتي غلطة عمرك انك كملتي وهايبقي غلط اكبر لو استمريتي. هايضربك تاني وتالت ورابع وهايضربك ادام عيالاك ليه؟ عشان الحب؟ فين هو ده؟ ساعات في قرارات بتبقي صعبه اوي الواحد ياخدها بس لو نجح انه ياخدها ويتحدي الناس والخوف هايشتري حياته إلى هايعيشها مره واحده بس".
واختتمت :"انتي مش لوحدك مصر كلها معاكي والقانون في ضهرك والله انتي دلوقتي مش لواحدك ربنا من خلال فيديو خلي ملايين معاكي وفي ضهرك هايدعموكي ويحموكي لو حد يعرفها يوصل لها البوست لازم ننقذها، وننقذ أي حد بيفرط في كرامته وحياته عشان خايف .على فكره عينيكي في الصوره كلها كسره وحسره واجبار مهما قلتي عينيكي بتتكلم".
