فلسطين - البوابة 24
نشر الفنان المصري أحمد فلوكس، تسجيل صوتي لمكالمة له مع طليقته ياسمين عزت، ردًا على تصريحات فاروق فلوكس في برنامج نص الكلام عن نجله أحمد فلوكس، حيث يتهم الأخير زوجته بأنها السبب وراء إدلاء والده بهذه التصريحات، وكتب عليه: "نشرت التسجيل ده كعقاب عالتخدير اللي حصل لابويا عشان تطلعوني مجنون".
وقالت ياسمين خلال التسجيل المسرب: "انت عمرك ما وقفت جنبي في محنتي، قاعد تطبطب على هنا وتشوف عايزة ايه ومحتاجة ايه، لكن معايا انا لا، وانا اصلا مش فارقة معاك ولا بتسأل عني".
وتابعت: "هو احنا ايه بالنسبة ليك، واحنا مش بيجرالنا حاجة؟، انت بكرة هتندم ندم عليا".
ورد فلوكس عليها قائلًا: "انا عمري ما هندم عليكي، ومتديش لنفسك حق مش حقك، وبلاش جو قلب الترابيزة ده، يالا يا مريضة يا منفسنة".
مكالمة أحمد فلوكس مع والده
وكان الفنان أحمد فلوكس، قد نشر مكالمة صوتية دارت بينه وبين والده الفنان فاروق فلوكس، بعد تصريحاته الأخيرة بأن أحمد بعيد عنه في الفترة الأخيرة ولا يتواصل معه.
وتدور المكالمة، التي نشرها فلوكس، حول اعتذار فاروق فلوكس لولده عما بدر منه، وأنه لم يكن يقصد ما قيل، وفي البرامج يعتمدون على كبر سنه ليحصلوا منه على تصريحات تتماشى مع هواهم، وعلق على المكالمة التي نشرها قائلا: ”حسبي الله ونعم الوكيل فيكم، مارحمتوش الراجل الكبير، بس تمام.. صبرا“.
ويقول الفنان فاروق فلوكس في المكالمة: ”أنا يا أحمد مش كويس ولما بطلع أتكلم في البرامج بقول كلام كتير لأن أنا قلبي طيب والله، أرجوك متزعلش مني، ليوجه له أحمد رسالة قائلا: ”جزمتك فوق راسي يا بابا، متشيلش جواك أي حاجة، دي لعبة انت لم يكون لك ذنب فيها، أنت عارف إني بحبك جدًا، ومقصرتش معاك، ولو مجتش البيت خلال الفترة الماضية لأن عندك ظروف معينة أنت عارفها كويس، وأنا مش هطلع أشرح الكلام ده، وأتكلم في بيتي وحياتي الشخصية“.
وتابع أحمد فلوكس: ”هما لم يستوعبوا كلامك، وعايزين يطلعوني مجنون تمام، أنا عارف اللعبة دي اللي هم بيلعبوها، وهما مش هيفهموا، لما يكون عندي مشكلة مش هاجي أقولك أنا بمر بهذا الظرف، لأن المفروض لما تقول مشاكلي مجيش أقول، وهما عرفوا يشحنوك وياخدوا كلام معين منك، بناء على سنك أنك كبرت“.
تصريحات فاروق فلوكس
وكان الفنان فاروق فلوكس قد صرح في مداخلة هاتفية مع برنامج ”نص الكلام“، الذي يعرض على قناة النهار المصرية، أنه متزوج من سيدة أخرى غير والدة أحمد، وهناك فجوة كبيرة بينه وبين ابنه، وكان دائما يسعى للتواصل معه ومعرفة أخباره، إلا أنه لا يجيب على اتصالاته.
وتابع فلوكس: ”أحمد هوائي ولكن قلبه طيب جدًا وعرفت موضوع سجنه من أحد البرامج، لأنه لم يتواصل معي منذ شهر، وحزين عليه بعد مروره بالعديد من الأزمات خلال الفترة الماضية، أنا مش زعلان عشان نفسي، أنا زعلان عليه، وبدعي له في صلاة الفجر يوميًا“.
