فلسطين - البوابة 24

ضجت وسائل التواصل الاجتماعي بأخبار الفنانة هلا رشدي، فور دخولها المستشفى لإجراء عملية جراحية.

حيث غادرت رشدي، المستشفى عقب الانتهاء من إجراء جراحة دقيقة بمنطقة الظهر، الأسبوع الماضي، حتى خرجت اليوم.

وشكرت رشدي، من وقفوا إلى جوارها عبر منشور لها على حسابها الشخصي بـ«فيس بوك»، قالت فيه: «شكرًا لكل الحبايب اللي ربنا طبطب عليا بيهم الفترة اللي فاتت، وكان يوم العملية زي الزفة في المستشفى، وأنا بابتسامتي المُعتادة قاومت وأنا في قمة السعادة والألم في نفس الوقت عشان أطمِّن اللي حواليا، وبعدها عطايا ربانية وليال ملاح مليئة بالحب والدعم النفسي والمعنوي والمورفين، من كل قلبي بحبكم وزادت غلاوتكم في قلبي وعرفت قيمتي عندكم».

تفاصيل حالتها الصحية

وكشفت رشدي، تفاصيل حالتها الصحية، في فيديو عبر الفيس بوك، وقالت: «الحكاية باختصار هُمَّا كانوا 13 يوما من أصعب أيام حياتي من غير نوم، وبأنين بيقطع في قلبي وجسمي، ومفيش على لساني غير كلمة يا رب بكل أشكالها من قرآن وذكر بسبب آلام مزمنة متواصلة زي النار القايدة في ضهري ورجلي الشمال، اللي فشلت كل المسكنات في تسكينها ده».

وتابعت: «الأدهى والأمَر إني كنت بره مصر، ومش عارفة أرجع لأسباب لها علاقة بالإجراءات، وما صبَّرنيش فيهم إلَّا وَنَسي بالله والسكينة اللي ملأ بيها قلبي وهوه بيطمني بكلمتين بيملأ بيهم روحي (فَصَبرٌ جميل)، رجعت مصر، واكتشفنا في الرنين المغناطيسي إن الغضروف الموجود بين الفقرتين الرابعة والخامسة انفجر ونزل على عصب رجلي الشمال، كانت عملية صعبة لكن بفضل الله ثم بدعواتكم الحمد لله تمت العملية بنجاح، وفتحت صفحة جديدة مع نفسي ولروحي، ربنا يديمها عليا نعمة ويحفظها من الزوال ونوَّر بصيرتي وشوفت كل حاجة على حقيقتها».