فلسطين - البوابة 24
لا تزال قضية قتل فتاة المنصورة "نيرة" الطالبة التي لقيت مصرعها على يد زميلها أمام الجامعة، تشغل بال الكثير من الناس داخل مصر وخارجها، وقال خالد عبد الرحمن محامي فتاة المنصورة المذبوحة على يد زميلها أمام الجامعة، إن جميع محامي المنصورة رفضوا أن يدافعو المتهم في الجريمة.
واعترف قاتل الطالبة نيرة بالسبب الحقيقي وراء قيامه بارتكاب هذه الجريمة، حيث قال: "بعد ما تعدموني ادفنوني في حضنها أرجوكم .. بحبها و بعشقها، أنا كنت حتى مقدرش أعاكس بنت من شدة خجلي وطول عمري متفوق وبطلع الأول، حتى في الكلية كنت بطلع الأول على دفعتي وملتزم بالصلاة في المسجد، لكن لما شفتها وقابلتها أول يوم في الدراسة خطفت قلبي وقررت أصارحها بحبى، لكنها رفضتني ورفضت حبي لها".
وتابع: "اعتقدت إنها معندهاش ثقة فيا، وإنها ظنت إنى غير صادق، ذهبت لأهلها أتقدم لخطبتها، لكنهم رفضوني لأني طالب، و قالتلى أنت إزاى تتقدملي أصلا .. ؟؟، انت مش في حساباتي و لا عمري هاحبك و لا هرتبط بك، أنا ليا أحلام وطموحات غيرك".
وأضاف القاتل: "قولت أستنى لما أخلص الكلية واشتغل و أثبتلها حبي، لكن أصحابي اتريقو عليا وقالولي أنت هتفضل خام كدة ملكش علاقات وأي بنت تحب الولد اللي مقطع السمكة وديلها، وفي سنة ثانية شفتها بتتعاكس وكانت خناقة عليها، فأنا دخلت أهزأ الولد لكنه ضربني قدامها، فأصحابي اتريقو عليا و قالولي يا خبتك اضربت قدامها، وقالولي إنى كدا مش هملي عنيها، فروحتلها و قولتها أنا بحبك وبفكر فيكي على طول، وقولتلها أنا مش هسيبك تتجوزی غیري، ولو اتجوزتي غيرى هقتلك، فضحكت عليا هي وصحبتها وقالولي یا عم روح أنت متعرفش حتى تقتل فرخة".
واستطرد: "شعرت بإهانة شديدة ومن يومها فكرت أتغير و أشرب حشيش علشان أكون راجل في نظرها زي ما نصحوني أصحابي، وبدأت أطاردها في كل مكان وكنت ببعتلها رسايل علشان تخاف وترتبط بيا لكنها كانت مصرة على موقفها، نيرة كانت أرق البنات وكانت مؤدبة جدا والناس كلها بتحبها، فخوفت حد ياخدها مني فقررت أقتلها وكنت عايز أحتفظ براسها علشان أنا كنت بحب عيونها".
وقال: "أنا شربت مخدرات علشان أقدر أقتلها و أثبت للجميع إنى مش ضعيف، وبعدين مش ندمان إنى قتلتها علشان ربنا عارف أنا بحبها أد إيه، فأكيد هيجمعني بها، متحكمونيش وحاكموا اللي اتريقو عليا وأهانوني، أنا عايز أتعدم من غير محاكمة، بس ليا طلب بعد ما تعدموني ادفنوني في حضنها أرجوكم".
