فلسطين - البوابة 24

خرج مطرب المهرجانات حسن شاكوش، عن صمته بعدما قام موقع يوتيوب للأغاني، بحذف الأغنية المشهورة "بنت الجيران"، من على قناته الرسمية.

واعتذر شاكوش، من الفنان محمد حماقي، والملحن مدين، على اتهامه لهما بأنهما اقتبسا لحن أغنية "حاجة مستخبية" من أغنية تركية.

وقال شاكوش، في مقطع فيديو عبر حسابه على موقع التواصل الاجتماعي "إنستغرام"، إن كلامه عن الأمر كان مجرّد تأكيد على حقه بالأغنية وأن لحنها ليس مسروقاً.

بنت الجيران أغنيتي

وأضاف شاكوش: "كنت طالع أتكلم في نقطة إن أغنية بنت الجيران بتاعتي أنا، مليش دعوة بأغنية حماقي خالص، كنت بوضح له الرؤية، إن أغنية حاجة مستخبية بتاعة الأستاذ حماقي لحن تركي، سمعت كدة من الناس، أنا مش قصدي أغلط في حق حد، أنا مبحبش أغلط في حد.. أغنية بنت الجيران بتاعتي، وأغنية حاجة مستخبية بتاعت الأستاذ حماقي، واللي ملحنها له أخويا وحبيبي الأستاذ مدين، طبعا هو ده الخلاف كله، وطبعا أنا ومدين متكلمين مع بعض كتير، وهو ملحن من الشاطرين جدا، ومدين أخ ليا على المستوى الشخصي، وأنا بحبه، وهي دي النقطة اللي أنا طالع أتكلم فيها".

واختتم حديثه قائلًا: "وتحية لكل فريق عمل حاجة مستخبية، وأنا مبحبش حد يزعل مني، ومدين أخويا وحبيبي طبعا، ولو في أي سوء تفاهم حصل أنا بقولكم متزعلوش، وكله خير إن شاء الله، وكل الناس ربنا يكرمها وأخويا وحبيبي أحلى مدين".

وكانت إدارة يوتيوب، قد قامت الثلاثاء الماضي، بحذف أغنية "بنت الجيران" من على صفحاتها، وذلك بعد تقديم الملحن مدين بلاغاً يؤكد فيه أن لحنها مسروق من لحن أغنيته "حاجة مستخبية" التي غناها الفنان محمد حماقي.