فلسطين - البوابة 24
حلت الفنانة المصرية ميرنا وليد، ضيفة ببرنامج "كلام الناس"، الذي تقدمه الإعلامية ياسمين عز عبر فضائية "ام بي سي مصر"، وكشفت تفاصيل جلسة التصوير المثيرة للجدل التي خضعت لها مؤخرًا على شاطئ البحر، وكانت حديث مواقع التواصل الاجتماعي.
وقالت ميرنا خلال اللقاء: "أنا بشكل عام يمكن قليل أوي لما بلبس فساتين، يمكن الناس قليل لما بتشوفني لابسه فساتين، بطبيعتي بلبس "جينز" و"تي شيرت"، والناس ما عرفش ليه توقعوا علشان أنا غايبة بقالي فترة إني لازم أرجع كبيرة جدا في السن".
وتابعت ميرنا: "في ناس قالت على الصور إنها من 20 سنة، وإني محتفظة بالصور ونزلتها، وأنا طبعا ضحكت".
ووجهت لها ياسمين سؤالًا قائلةٍ: "بتحطي على جسمك دقيق"، لترد عليها ميرنا قائلةً: "أنتوا ليه متوقعين إني دا مش شكلي وإني قعبرت، وهل الناس شافتني قبل كده في أي عمل حاطة "دقيق" على جسمي، وهل أنا من أول "الراعي والنساء" لحد النهاردة، شوفتوني كنت سمراء أوي، وبعدها لقيتوني عاملة سيشن بيضاء، بس يمكن علشان كنت مش بلبس فساتين".
واستطردت قائلةً: "الناس أتصدمت، ومراكز التجميل كلموني عايزني أقول إني رحت عندهم، وقالولي تاخدي كام وتيجي عندنا وتعملي اللي انتي عايزاة فري".
يشار إلى أن آخر أعمال الفنانة ميرنا وليد التلفزيونية كانت مسلسل "قيد عائلي" 2019، بطولة ميرفت أمين، عزت العلايلي، بوسي، صلاح عبدالله، كارولين عزمي، دينا فؤاد، تأليف محمد رجاء، إخراج تامر حمزة.
