فلسطين - البوابة 24
علقت الفنانة المصرية شيرين عبد الوهاب عن زواجها من الفنان حسام حبيب، قائلةً: "أنا آسفة إنى بتكلم في موضوعي.. الناس والبلد عندها مشاكل وأنا حاسة إن موضوعى بوّخ.. أنا بتأسف على الكدب اللى كدبته عشان أخلي صورة إنسان تبقى كويسة، وأنا بالذات مش بحب الكذب، كذبت في حاجات كتير قوى عشان أنا بنت أصول، وممكن يروح الإنسان ده يتجوز من عائلة تانية، وأنا بصراحة نفسى يتجوز ويغور ويبعد عني".
وقالت شيرين، خلال اتصال هاتفي مع الإعلامية لميس الحديدى عبر برنامجها "كلمة أخيرة" المذاع على فضائية "أون": "عيالي 4 سنين شايفين الويل، سافرنا الساحل وبناتي نفسيتهم تعبانة، وماكناش عايشين وماكنوش يعرفوا إنى عايشة مع زوج مابيشتغلش تقريبًا، وكنت محبوسة 24 ساعة في أوضة نومي ومبعملش حاجة، أنا غلط في شيرين عبد الوهاب.. وأنا إنسانة بحافظ على بيتي ولكن مكنش بيت كانت مصيدة فيران".
وأضافت شيرين: "كل خناقة تحصل ما بينا يحرق دمي لحد ما أمسك المكنة وأحلق شعري.. وطلعت غنيت عشان بناتي مايتعقدوش وحسستهم إنه ولوك وعملت حفلة.. ولما رجعنا لبعض تاني رجعوا تاني البنات يشوفوا إنه بيتدخل في كل شىء وإنه إنسان معندهوش شغل وكرهني في بناتي، حاولنا نرجع لبعض وقالوا إن حسام كتف شيرين وحلق لها شعرها.. وقولت فى آخر المكالمة كنت بحبه عشان أرحمه من كلام الناس، ولكن هو فعلا اللى حلق لي شعري.. وشوفت أيام سود معاه".
وتابعت شيرين: "كنت بحاول أجمّل صورة حسام، ولكن الناس عارفين كل حاجة، وعمالة أجمّل وأقول كلام كذب والناس أذكية جدا، كنت عايشة مع راجل مبيشتغلش ومش بيروح لأهله، إنسان مؤذي جدا وخسرني كل الناس خسرني أمى وأبويا والسواق والشغالة".
واختتمت حديثها قائلةً: "هو اللي وصلني اني احلق شعري ولما كنا في الفورسيزون وزعلانه منه فجه صالحنى بعدها اتخانقنا وقولتله امشي قالي لا انتي هتنزلي معايا دلوقت للمأذون قولتله يعني انا ابقا شيرين عبد الوهاب وعايز تجرني تنزلني بقميص نومي عشان توديني اتطلق؟".
