فلسطين - البوابة 24

تصدرت الفنانة المصرية حورية فرغلي، تريند جوجل خلال الساعات القليلة الماضية بعد أن أعلنت تعاطفها مع محمد عادل قاتل "نيرة أشرف" طالبة المنصورة.

وكشفت حورية عن رأيها في الجرائم التي انتشرت مؤخرًا، وتحديدًا قضية نيرة أشرف، بالإضافة إلى رأيها في اتهام البعض للفن بالتسبب في انتشار جرائم القتل.

تصريحات حورية فرغلي تثير الجدل

وقالت حورية: "تعاطفت مع قاتل نيرة، زي ما تعاطفت معاها، وصِعِب عليا الولد؛ لأنه صغير جدًا وما عندوش خبرة، وبيصدق كل حاجة، وحبَّها جدا، وغار عليها غيرة عمياء، وفي رجالة لما بتغير؛ بتقتل، وتكون البنت ما عملتش حاجة، يعني من نوعية أنا ما حدش يضحك عليا، وأنا ما يحصلش فيا كدة".

وتابعت حورية: "هما كانوا صحاب، وساعدها في المذاكرة، وبدأ يحبها قبل ما تكون موديل؛ لأنه حبها لشخصها، فبدأت تغيَّر طريقتها معاه، وسمعت ماسدج من الماسدجات اللي انتشرت وهي بتقول له: أنا لقيت واحد أحسن منك، وفي رجالة لما تسمع الكلام ده؛ يوصل بيهم الموضوع للقتل".

وواصلت الفنانة حورية فرغلي: "الولد قال الكلام ده في المحكمة، وما حاولش حتى يكذب أو يجمل اللي عمله، وفي رجالة كتير بتكون مريضة بمرض الغيرة، بس برضو ما يوصلش للقتل بالمنظر ده".

اتهام الفن في انتشار الجرائم

أما عن رأيها في اتهام البعض للفن بالتسبب في انتشار الجريمة؛ ردت حورية: "الفن عمره ما يتسبب في كده، اللي بيقول كده؛ ينشر الأفلام دي، ويوريها لينا، أنا شخصيًا، رفضوا يخلوني أقدم الجزء الثالث من مسلسل ساحرة الجنوب؛ بسبب مشاهد الرعب اللي فيه، لكن الفن بيمثل الواقع".