فلسطين - البوابة 24
استضافت الإعلامية منى الشاذلي، الفنانة المصرية هدى المفتي، وكشفت خلال الحلقة عن تفاصيل تعرضها لأزمة صحية بعد تعافيها من كورونا.
وقالت المفتي، عن الأزمة الصحية التي تعرضت لها: "رجعت من مهرجان الجونه بكورونا، وكانت لسه الكورونا في الأول وكنت من أول الناس اللي يجيلها في مصر ومكنتش عارفة إيه اللي يحصل".
وأضافت المفتي، خلال الحلقة: "طبعا مخدتش أدوية سيولة لما جالي الكورونا فجالي جلطة في الوريد اللي بيوصل الدم للأمعاء ومعرفتش، هو بس كنت بحس بأعراض معينة وبحس بحرقان غريب، وكنت فاكرة في حاجة في القلب عندي وعملت رسم قلب بس مطلعش في حاجة".
وتابعت المفتي: "فى رأس السنة سافرت أنا وصديقتي لأسوان وفجأة تعبت تعب مش طبيعي وجع مؤلم، ورجعت القاهرة بطيارة بسرعة، وتبهدلت ولولا صحبتي كان حصلي حاجة وهي كانت تساعدني في كل حاجة".
واستطردت المفتي: "دخلت المستشفى في القاهرة والدكاترة مش عارفين أنا عندى إيه وعملت أشعة وكل حاجة ومش عارفين وبطني بتتنفح ووجع وألم غير طبيعى، وقرروا يفتحوا بطنى ولما فتحوا طلع عندى جلطة في الوريد اللى بيوصل الدم للأمعاء، وبسبب إنه متعالجش عمل غرغرينة في جزء من الأمعاء، فقررا يستأصلوا الجزء ده، وكانت عملية كبيرة وفضلت فترة طويلة في العناية المركزة أكتر من شهر ومنعوا عنى الأكل والماء".
