فلسطين - البوابة 24

غالبًا ما تثير حالات الطلاق في مصر حالة من الجدل، وانتشر مقطع فيديو مؤثر لبلوجر مصري وميك اب أرتيست يدعى "إسلام عفيفي" على مواقع التواصل الاجتماعي، حيث وجه فيه الشكر لمطلقات مصر وبالتحديد طليقته وزوجهها نتيجة حسن انعكاس علاقتهما السوية على تربية ابنه وسلوكياته.

وقال عفيفي في الفيديو: "الرسالة دي يا جماعة موجهة لكل المطلقات وعلى رأسهم طليقتي، شكرًا، شكرا لطليقتي إنك ست فاضلة وإنك ست محترمة وأكيد جوزك راجل محترم، إن انتو الاتنين احتويتوا بعض لدرجة إن ده أثر على ابني بشكل إيجابي جدًا، وصل للمرحلة الأخلاقية والتعليمية الناجحة، فليكي الحق عليا بعد 15 سنة إني أشكرك، تستحقي كل تقدير واحترام".

وتابع: "عارف المسئولية الضخمة اللي أنتي شايلاها بجد ومهما انا دفعت فلوس ده مش هييجي ربع المسئولية اللي اتتي شايلاها سواء الأخلاقية أو الرياضية أو الدينية أو التعليمية، كل اللي انتي شايلاه أكتر مني بكتير انا متأكد، فعايز أشكرك باسمي وباسم كل الرجالة المتصالحين مع نفسهم".

"المطلقات أرجل مننا"

وأشار عفيفي في رسالته: "بشكر كمان كل المطلقات اللي شايلين مسئولية أولادهم بدون رجالة، وياريت يا جماعة أي راجل في الدنيا مطلق مراته بجد طالما ست فاضلة وواخدة بالها من أولادك ياريت تعملها تمثال يعني ماتبقاش راجل (لخش) ماتبقاش راجل (طربنش) احترم الناس عشان الناس تحترمك، أي ست في الدنيا مطلقة شايلة مسئولية أولاد أرجل مننا كلنا بالمناسبة، احنا مانقدرش نشيلها".

واختتم الفيديو قائلًا: "رسالة الست المطلقة أقوى بكتير جدا جدا من رسالتنا احنا رجالة لخشات، انسى يابني وماتعاندش طليقتك عشان ولادك مايدفعوش الفاتورة".
 

تفاعل رواد مواقع التواصل الاجتماعي

وحظي مقطع الفيديو المؤثر بردود أفعال واسعة منها المتعاطف ومنها الغير مصدق لما يقوله الرجل، حيث أنه من الشائع أنه بمجرد بدء إجراءات الطلاق، يتحول الأزواج المتحابين إلى أعداء، وبمجرد احتدام المواقف ووقوع الخلافات تصبح “المودة والرحمة” “وصون العشرة” في خبر كان.