فلسطين - البوابة 24

شاركت الإعلامية بسمة وهبة، مقطع فيديو لها أثناء التحضير للخضوع لعملية جراحية من داخل المستشفى، وعلقت عليه برسالة مطولة، قائلةً إن وراء كل صورة سعيدة أوقاتاً تعيسة ومؤلمة.

وعلقت وهبة على الفيديو قائلة: "واحدة معرفة اتصلت بيا فمردتش عليها راحت بعتالي رسالة بتعاتبني فقلت لها معلش مش قادرة أتكلم لما أقدر حكلمك، راحت ردت عليه قالت لي آه مانتي مشغولة صحيح كل يوم في بلد وبتتفسحي، فعاوزه أقولها هي واللي زيها، إن أي صورة على السوشيال ميديا حلوة، وراها أوقات وحشة وأي صورة فيها سعادة، وراها أوقات تعاسة وألم، صحيح ممكن أكون مسافرة بس بعمل عملية، ممكن أكون مسافرة وفي عملية وفي البنج وحزينة".

وتابعت وهبة: "لأن صاحبتي ماتت قبلها بيومين حتى وأنا في البنج وتعبانة حزينة عليها وبدعيلها، وممكن أكون مسافرة اتعالج مش أتفسح، بس بما إني مسافرة لو ماعندكيش مانع أخرج قبل العملية وأتمشى في الشارع بعد العملية لو ما يضايقك ايش يعني، أحب أقولك إنت واللي زيك ربنا ما يحكم عليكي يا بنتي باللي في الواحد، واحمدي ربنا إنك مش مضطرة تسافري عشان تلاقي حل لمرض نادر من فضلكم، ارحمونا وسيبونا في حالنا وبلاش حسد، أنا صاحبتي وفاء ماتت من الحسد".