فلسطين - البوابة 24

حلّت الفنانة المصرية صفاء جلال، ضيفة على الإعلامية ياسمين عز ببرنامج "كلام الناس" والمذاع عبر قناة "إم بي سي مصر"، وأكدت أن زوجها اشترط عليها عدم تجسيد دور الراقصة مرة أخرى بعد تجسيده في مسلسل "امرأة من زمن الحب".

وتابعت: "بعد ما عملت دور راقصة في مسلسل امرأة من زمن الحب جوزي قالي مش هتعملي دور رقاصة تاني، وهو قالي إحنا هنكمل تمثيل بس بلاش دور رقاصة تاني خالص فعشان كدا معملتش دور رقاصة، وسمعت كلامه علشان ميزعلش".

عملية جراحية صعبة

وأضافت الفنانة صفاء جلال: "عملت عملية نحت جسم عشان في فترة كنت تخنت أوي وقابلت دكتور وعملت عملية بس بعدها سيبت نفسي وتخنت تاني فبعديها عملت كبسولة المعدة عشان ما كلش، لأني كان عندي مشكلة في الأكل بالليل".

وأوضحت: "عملت كبسولة المعدة كانت لطيفة معايا عشان كنت محتاجة أنزل 10 أو 15 كيلو وفعلا نزلتهم ودلوقت بكمل دايت وبروح الجيم".

وقالت: "ما أفعله مجهود على أي ست وبالذات اللي عدت 45 لأنها بتبقى عارفة أنها بتبذل مجهود اكتر من بنوتة عندها 20 سنة، والمشكلة مش فيا بس عشان الناس متعودين عليا من أيام الضوء الشارد كنت رفيعة جدا وبحاول على قد ما بقدر اوصل لشكل لطيف والناس تتقبله".

صفاء جلال تكشف عن عمرها الحقيقي على الهواء 

وخلال الحلقة، كشفت صفاء جلال، عن عمرها الحقيقي على الهواء، قائلة: "أنا داخلة على الـ49 سنة حاليا"، لافتة: "أنا عشت كل مرحلة عمرية بحلوها مرها".

وأضافت: "مش بتكسف أني أقول عندي كام سنة، والناس بقيت ذكية أوي يعني مش هطلع أقولهم انا عندي 35 سنة وعمر ما السن شكل ليا مشكلة".