أثارت الفنانة المغربية بسمة بوسيل، طليقة الفنان المصري تامر حسني، حالة من الجدل الواسع بعد نشر رسالة غامضة تهاجم فيها هالة عمر منسقة أعمال تامر حسني بعد حفل زفافها.
ستوري بسمة بوسيل
ونشرت بوسيل، مقطع فيديو من حفل الزفاف عبر خاصية الستوري على صفحتها الشخصية بموقع التواصل الاجتماعي انستجرام، وعلقت عليه قائلة: "حسبي الله ونعمة الوكيل فيكي يا هالة".
وكتب بوسيل في ستوري آخر على إنستجرام قائلة: "احترام العِشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك".
ويعتقد البعض أن بوسيل تلمح إلى أن هالة عمر هي من كانت السبب وراء طلاقها من الفنان تامر حسني.
اقرأ أيضاً:
علاقة تامر حسني وهالة عمر
وعلى الجانب الآخر كشف الفنان تامر حسني عن علاقته بمنسقة أعماله هالة عمر، وتحدث عن حفل زفافها قائلًا: "لكل اللي بيسأل عن إيه وجهة القرابة بيني وبين العروسة الجميلة دي شايف أسئلة كتير.. أنا هحكيلكوا هي اسمها هالة عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت".
وتابع تامر حسني: "من كتر دفاعها عني لفتت نظري، ومرة رديت عليها شكرتها، ولما سافرت إسكندرية في الوقت ده لقيت بنت صغيره أوي بتعيط وبتجري عليا فوقفتلها وفكرتني بنفسها وفضلت تعيط وتقولي إحنا معاك ولازم تكمل عشان كنت بتحارب جدًا في بداياتي".
وأضاف تامر حسني: "اتصدمت إن اللي بتقول كده بنت صغيرة كده، والمجهود ده كله اللي عاملاه بنت صغيره عندها 14 سنة، وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة، أنا عايز البنت الصغيرة دي هي اللي تمسكها".
واستطرد الفنان المصري: "فضلوا يقنعوني إن كده مش صح ولازم أكتر حد خبرة يمسكها، وأنا قولت لأ لازم أكتر حد بيحبني هو اللي يمسكها وأنا واثق إن طاقة الحب مفعولها أقوى من طاقة المحترف بلا حب، فعرضت عليها تشتغل معايا وهي في السن ده.. مصدقتش طبعًا".
وقال: "من ساعتها وهي اللي ماسكة كل شغل الميديا. الطفلة الشاطرة اللي كبرت دلوقتي قدامكم هالة عمر، أما بقى عريسها العسل ده اسمه عمرو، طلب إيديها مني أنا عشان والدها ووالدتها توفاهم الله.. في سنة واحدة رحمهم الله، ياريت نفتكرهم ونهديلهم ثواب الدعاء والفاتحة.. ومن اللحظة دي اتحولت هالة لبنتي الكبيرة".
اقرأ أيضاً:
واختتم حديثه قائلا: "بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة، رديت دلوقتي هنا، ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله".
انفصال تامر حسني وبسمة بوسيل
وقبل عدة أيام، نشرت بسمة بوسيل عبر خاصية الاستوري بحسابها الشخصي على موقع تبادل الصور والفيديوهات إنستجرام خبر انفصالها عن تامر حسني رسمياً، ليرد عليها الأخير ويؤكد الخبر، وأنه سيظل الأب والأخ والسند والصديق دائماً.
