أثار الفنان المصري محمد عادل إمام حالة من الجدل الواسع بعد تعليق نشره يتعلق بمسلسله الجديد "الكينج"، المقرر عرضه خلال موسم دراما رمضان المقبل.
فيديو قديم ورسالة لافتة
ونشر محمد عادل إمام مقطع فيديو عبر صفحته الرسمية على موقع التواصل الاجتماعي "فيسبوك"، ظهر خلاله وهو يرقص في أحد أفلامه القديمة، وأرفق المقطع بتعليق قال فيه: "واضح إن الكينج حارق ناس كتير قوي.. بس مش مهم"، في إشارة مباشرة إلى مسلسله الجديد الذي يواصل تصويره حالياً.
توضيح بعد اللغط
ومع تصاعد الجدل وتداول تساؤلات حول الجهة التي يقصدها محمد عادل إمام بتعليقه، قرر الخروج لتوضيح موقفه، حيث نشر منشوراً جديداً قال فيه: "أنا مش عارف ليه في ناس فهمت إن أنا نزلت بوست لشخص محدد.. أنا عامله ليهم كلهم.. نتكلم جد شوية.. أنا عمري لا حطيت حد ولا هحط حد في دماغي.. وده اللي اتعلمته من أبويا ربنا يخليه لينا".
وأضاف نجل الزعيم عادل إمام: "أنا أكون ابن أكبر نجم في التاريخ ووصلت للي أنا فيه دلوقتي.. ده مكنش سهل أبداً.. وبحمد ربنا عليه كل يوم".
ختام برسالة للجمهور
واختتم محمد عادل إمام حديثه قائلاً: "أنا أصلاً فيا اللي مكفيني.. وحقيقي بتمنى الخير للجميع.. المنافسة دي بتخلينا نطلع أحسن ما فينا، وكل ده في صالح الجمهور العظيم اللي زيكم.. بشكر كل اللي بيحبني.. أنا بحبكم أكتر بكتير، وأنتم أهم حاجة في حياتي بعد عيالي".
