أطل الفنان أحمد سعد بعد الضجة التي أثيرت مؤخرا،ً بعد غنائه في زفاف "موسى" على "حلاوتهم" من خلال برنامج "ترندنج" الذي يقدم على قناة "ام بي سي4"
وقال أحمد سعد موجهاً كلامه للفنان محمد رمضان: "عايز أشكر صديقي العزيز محمد رمضان انه عزمني في فرحه على سمية وكنت هزعل أوي لو مكنش عزمني في مناسبة سعيدة جدا زي دي، لما كلمني أجي أغني وافقت علطول".
سعيد بردود الأفعال
وحول ردود الأفعال وضجة الكبيرة التي كانت على مواقع التواصل بعد ظهوره في فرح سمية الخشاب على الفنان محمد رمضان يقول: " أنا شايف الناس مستمتعة وأكيد استغربوا الموقف أنا كمان استغربت.
وعن كواليس المشهد كشف أحمد سعد إن اليوم مر عاديا وأنه التقى بسمية الخشاب في الكواليس يقول: "اليوم كان حلو ومر بسلام قابلت سمية وسلمت عليها وسلمت عليا وهزرنا وضحكنا بس فوجئت بأنها قالت على وجودي رزق وجايله.. محصلش أنا روحت بالحب مأخدتش أي فلوس عشان بحب محمد رمضان وليا نجاحات كتير معاه".
عاتب على سمية
وأعرب الفنان أحمد سعد عن استياءه من الصور التي نشرتها الفنانة سمية الخشاب، بعد اختيارها صورة لها وهو شكله "وحش" على حد تعبير يقول: "بلاش حركات من تحت لتحت هنفضل طول عمرنا نعملها عشان الناس تشوف حاجات وحشة .. لقيتها منزلة صورة وحشة ليا".
والليله جينا نهنيكوا 😜💃🏻💃🏻💃🏻 pic.twitter.com/KULxYi1OV3
— Somaya Elkhashab (@somayaelkhashab) May 3, 2021
وختم سعد كلامه يقول: "أنا مبفكرش بالطريقة دي بفكر بطريقة عملية أنا خاطب دلوقتي وبحب خطيبتي ومعنديش خلافات مع سمية فبلاش الحركات اللي من تحت لتحت".
