فلسطين - البوابة 24
كتبت الفنانة المصرية حلا شيحة، رسالة مطولة عبر حسابها الرسمي على موقع التواصل الاجتماعي "أنستجرام" أرفقتها بصورة من جنازة الفنان الراحل سمير غانم.
وبدت شيحة متأثرة جدًا برحيل سمير غانم، وقالت: "مشهد محتاج لحظات للتأمل ووقفة طويلة مع النفس كل ما تحصل حالة وفاة من قريب أو بعيد بلاقي نفسي جوا المشهد وبتخيل اللحظة دي لأنها مفيش مفر منها حتيجي فجأة أو بعد مرض المهم إنها جاية وكلنا حنمر بيها".
وتابعت: “بفكر يا تري هل انا مستعدة للحظة دي ؟! مستعدة لاستقبال عالم تاني !؟ مستعدة اقابل رب العالمين ؟!”.
وأضافت شيحة: "كل يوم بيموت من حبايبنا وأقرب الناس لينا كلنا بنحضر الدفن والعزا طب وبعد كدة ايه ! منا اللي بيكمل عادي زي ما كان ومنا اللي مش عايز يركز في اللحظة دي ومنا اللي بيفكر شوية وخلاص بعدها بينسي ومنا اللي مش حيعدي عليه المشهد ده كدة وخلاص".
وأشارت شيحة: " أنا بسأل نفسي يا تري احنا بنفني عمرنا في ايه وفي مثل مشهور بيقول (العمر مش بعزءة ) مركزين بس في نجاحاتنا وامالنا و مراكزنا، في مشاكلنا ومطحونين في دوامة عمرها ما حتخلص، يا ترى ربنا في حياتنا فعلا ؟!ولا نسينا في الزحمة نفكر اننا ماشين".
وتساءلت: "ليه بعد كل موقف وفاة مؤلم زي ده بننسى وبنرجع تاني لنفس الحال بتاع بكرة حبقي احسن بكرة حصلي؟، بكرة حرضي ربنا بجد و ناس ناسية ربنا اصلا ده حتي بقي الخلاف علي الدين نفسه ده حتى الشك اللي اتبنى جوانا من كتر البعد عن ربنا بقي يخلينا نشك في وجود ربنا اصلاً المعايير اتغيرت جوانا والأولويات اتلخبطت".
