نشرت المذيعة لينا شاكر، رسالة شكر لزملائها بالمهنة ولمتابعيها ومحبيها، على مساندتهم لها وكلماتهم الداعمة، وذلك بعد إعلان إصابتها بالسرطان.
وكتبت لينا على صفحتها على فيسبوك: "صباح الفل والجمال والحب والجدعنة وكل كلمه حلوة اتكتبت وكل دعوة وكل رسالة، وكل تليفون اتعملى حقيقى لم أكن اتخيل كل اللى حصل ده".
وأضافت: "أنا كان هدفى أنى أقوى كل إنسان مر بالتجربة دى وأديله طاقة إيجابية انتوا اللى اديتونى مشاعر ما تتوصفش من جمالها، سامحونى إنى مش لاحقه أرد على الكل بس هرد أن شاء الله، بس أنا محتاجة فترة زمنية طويله عشان أعرف أرد"، متابعة: "بشكركم يا أحلى ناس وبجد يا جماعة أن خلصت خلاص وزى الفل الحمد لله".
ومن أبرز الكلمات التي جعلت لينا "تريند" على جوجل، هو ما كتبته زميلتها إنجي علي على موقعها الرسمي على انستجرام: حبيبتي لينا شاكر بدانا مع بعض في قناة النيل للمنوعات رحله طويله وعشرة سنين وصداقه ان شاء الله ربنا هيعدى الازمه دي على خير وهيشفيكى ويعافيكى انتى قويه وغاليه اوى يا لينا واللى جاى احلى ان شاء الله .
وكان الإعلامى شريف مدكور قد أعلن إصابة صديقته المذيعة لينا شاكر بمرض السرطان، عبر حسابه الشخصى على موقع التواصل الاجتماعى "فيس بوك"، قائلا: "صديقة عمرى وأختى واللى كانت جنبى فى مرضى كل لحظة من أول العملية لكل جلسات الكيماوي".
وأضاف شريف مدكور: "لينا شاكر كانت جنبى تقوينى وتقولى هاتقوم وهترجع زى الحصان، وبعدى بسنة يجيلها نفس الهدية من ربنا، وكانت فى كل لحظه قوية وراضية مش عارف أكتب إيه ولا إيه، ربنا يتمم الشفا ليكى ولكل مريض سرطان".
