فلسطين - البوابة 24
تحدث الفنان المصري مصطفى فهمي، للمرة الأولى عن تفاصيل الأسباب التي دفعته إلى طلاق زوجته الإعلامية فاتن موسى غيابيًا، وذلك أثناء استضافته ببرنامج "الحكاية"، الذي يقدمه الإعلامي عمرو أديب.
وقال فهمي: "أنا بشوف الطلاق دا حاجة صحية جدًا، أنا اتجوزت فاتن لمدة 4 سنوات، في أول سنتين كان فيهم خلافات بسبب لبسها، وابتدت تزيد هذه الخلافات بعد كدا وأصبحت خلافات مستمرة".
وأضاف: "على طول بقا في شد وجذب، طبعَا الناس كانوا بيشوفوا صورنا على السوشيال ميديا يقولوا أن إحنا في القمة السعادة دا مش شرط يكون واقع، وآخر سنتين كان فيهم تصادم مستمر".
وأوضح: "حصل بيني وبين فاتن مشكلة قبل السفر، إن إحنا هنروح لبنان عشان نحضر خطوبة أختها، وأنا قررت أن أنا مش هسافر، أخوها كان قعد عندي بقاله أسبوع، قولتلها أنا مش هسافر، لكن إزاى بقا، فاقامت العركة والخناقة واشتدت جدا والصوت على وعملنا خناقة كبيرة"
واختتم حديثه قائلًا: "أخوها قال كدا مش هينفع وانزلوا أطلقوا، وقالت إنى غدرت بيها، لا هي عارفة إنى هطلقها وهي عارفة".
