بالفيديو: نهلة سلامة تكشف أسراراً جديدة عن حياتها الخاصة.. وهكذا قدمت أدوار الإغراء

فلسطين - البوابة 24

حلت الفنانة المصرية نهلة سلامة، ضيفة حلقة برنامج "سابع سما"، والذي تقدمه الإعلامية "راغدة شلهوب"، والمُذاع على فضائية "النهار"، وكشفت عن المواقف المؤلمة التي تعرضت لها في حياتها، وعن حالتها العاطفية، حيث قالت إنها تُحب والدتها أكثر من والدها، معقبة: "مامتي هي كل حاجة في حياتي"، مشيرة إلى أن والدها ووالدتها انفصلا عندما كانت تبلغ من العمر عام واحد فقط، معقبة: "أنا عيشت مع أمي، فعلشان كدت متعلقة بيها أوي لحد دلوقتي كمان".

وتابعت نهلة: "جوز مامتي كان محترم وطيب، وهو اللي شال مسئوليتي .. وكان بيديني اهتمام وحب"، مضيفةً: "بابا وقف جمبي في مواقف كتيرة .. بس هو كان بيحب يعيش حياته .. فمعندوش وقت يدي اهتمام ليا .. ورغم انه كتير زعلني وخد ورثي إلا اني بحبه لأن ده غصب عنه وأكيد بيحبني لأني كده كده بنته".

حياتها العاطفية

وتعليقاً ما كتبته يوم 22 فبراير، على الفيسبوك: "ذكريات، أسرار، نجاح، فشل، اختبارات، حروب .. هي ديه الحياة، وكلها بيعدي"، قالت "كتبت كده على فيسبوك لأني كنت متأثرة بـ وفاة جلا فهمي .. وكنت افتكرت اللي مريت بيه في حياتي".

وأضافت: "كل اللي انا كتبته وقتها عبارة عن حياتي، لاقيت نفسي عايزة أقول كده وقتها .. وفيه واحد بعتلي أغنية حلوة أوي، المواقف اللي داست عليا أوي هي اختياراتي العاطفية في أول حياتي اللي كانت كلها غلط".

حديثها عن الحب

وأشارت نهلة إلى أنها ترى أن الحب الحقيقي هو الحب الآخير، مشيرة إلى انها تعيش في حالة حب حالياً، وأنه لا تستطيع أن تعيش بدون حب، متابعة: "الست لما بتتجوز بيكون عن حب، وعمرها ما هتبطل تحبه.. علشان كده أنا مقدرش أستحمل حد حاسة انه مش بيحبني سواء زوج أو أخت أو صديقة".

وأوضحت: "أقدر أستحمل أي حاجة إلا إني أحس اني مش بتحب.. زواجي قريبا إن شاء الله ومن شخص خارج الوسط الفني، هو قمور ولكن الحلاوة مش مقياس للرجل.. ممكن يكون حلو أوي بس مش راجل.. علشان كد أنا بيهمني حاجات كتيرة في الرجل"، ووجهت رسالة له على الهواء قائلة: "ربنا يخليك ليا". 

مشاهد الإغراء

وفيما بتعلق بتصنيفها كـ أشهر ممثلة إثارة، علقت: "أعتقد مش أنا لوحدي اللي عملت مشاهد إغراء .. كل الممثلين عملوا مشاهد وأدوار إغراء".

وقالت: "الحمدلله أنا عملت أدوار الإغراء في السياق الدرامي، وبدون ابتزال .. وحتى ما استخدمتش اللبس في الإغراء، أنا عمري ما عملت إغراء بجسمي.. لكن بعمله بعيني وصوتي وإحساسي وبالكلام والمشهد بس".

وعقبت نهلة سلامة قائلة: "لما لاقيت المخرجين بيحصروني في مشاهد الإغراء ديه.. ابتديت أغير أنا بقى في أدواري".