البوابة 24

البوابة 24

هنادي مهنا تكشف تفاصيل دخولها عالم الفن وسبب إصابتها بالاكتئاب

هنادي مهنا
هنادي مهنا

فلسطين - البوابة 24


كشفت الفنانة المصرية هنادى مهنا، كواليس دخولها عالم الفن والتمثيل، حيث قالت: "لما اشتغلت ممثلة مكنتش مستوعبة طبيعة الشغلانة، وأن الشغل موسمي ممكن يبقى مكثف شهرين متتالين ثم شهرين أخرين قاعدين في البيت مش بنعمل حاجة، ودي كان إحساس غريب، وكنت بقول فيه حاجة غلط لاني متعودة على الشغل اليومي، وأني أنام وأصحى عشان ورايا شغل".

وتابعت مهنا، خلال لقائها ببرنامج "كلمة أخيرة" مع الإعلامية لميس الحديدي: "رغم كدة وأول ما مثلت الدنيا مامشيتش أوي فضلت سنتين أشتغل ومافيش حاجة تتذاع لحد أول عمل وهو أفراح إبليس اللي لسه معروض قريب رغم الانتهاء من تصويره منذ فترة طويلة، وعملت كمان فيلم ووقف كل ده سببلي في فترة من الفترات عملي إكتئاب وكنت قاعدة في البيت فقعدت أكل".

وأوضحت مهنا، أن جمهور مواقع التواصل الاجتماعي، حينها انتقدها وكان حقهم، قائلة: "الأعمال اللي كنت بصورها ومش بتنزل كنت بحط فيديوهات من الكواليس على إنستجرام والناس تقلي فين الأعمال إنتي بتصوري لنفسك ولا إيه".



واختتمت حديثها قائلةً: "أنا في الأساس شكلي كان زي الآن بعد فقد الوزن، لكن الفترة دي كانت سبب في زيادة وزني حينها".

اليوم السابع