فلسطين - البوابة 24
كشف الشيخ خالد الجندي، عضو المجلس الأعلى للشؤون الإسلامية في مصر، أن الكفار قالوا للأنبياء والمرسلين كلمة غريبة، وللأسف الشديد يرددها بعض المسلمين الآن، وهذه الكلمة هى "إِنَّا تَطَيَّرْنَا بِكُمْ"، لدرجة أن الأنبياء والمرسلين كانوا حريصين على أن يبعدوا هذه الكلمة عنهم فقالوا للكفار: "طَائِرُكُمْ مَعَكُمْ"، وهذا ما ذكره القرآن الكريم.
وأوضح الجندي، خلال حلقة برنامج "لعلهم يفقهون"، المذاع على قناة "dmc": "هذه الكلمة تتعلق بسلوك عقائدي، وعاوز أقول إن كثيرا من الحوادث التي تحدث تكون بسبب هذه الكلمة التى تعتبر مرضا وهو التطير، اسأل كل اللى حوالين معكم هات 10 من المثقفين يعنى إيه "إِنَّا تَطَيَّرْنَا بِكُمْ"، وهو إن العرب كانت تؤمن بالحظ، وده كان أمر من المسلمات، وكانت حياتهم ماشية على الكلام ده، وبالتالى كان يحدث التشائم فى حال".
وتابع الجندي: "كانت العرب تجيب طائر وتحطه جوه قفص، وبعدين يطيره، لو طلع ناحية اليمين يبقى حظ حلو، لو طار ناحية الشمال يبقى حظ وحش، وده اسمه التطير، يعنى الإيمان بالبخت والحظ والتشاؤم، وده مش موجود فى الإسلام، لكن عندنا دلوقتى بعض الناس ماشيين بالتشاؤم ده لدرجة لو حد شغل قرآن، يقولك خير يا رب مين مات، بقى القرآن علامة على حد عنده ميت".