فلسطين - البوابة 24

"أنا حزينة حزينة أوي إني وصلت للمرحلة دي، وأنا بكتب الرسالة دي مش شايفة من كتر الدموع اللي بتنزل من قلبي مش عيني"، بهذه الكلمات بدأت فتاة الدقهلية المنتحرة قبل حفل تخرجها بيومين رسالتها الأخيرة التي تدمي لها القلوب، وتم تداولها على نطاق واسع عبر مواقع التواصل الاجتماعي/ لعلها تكون رسالة توعوية لإنقاذ حياة غيرها من الفتيات والشباب.

وتوضح رسالة ابنة مركز بلقاس بمحافظة الدقهلية، والتي أقدمت على الانتحار خلال الساعات القليلة الماضية بتناول حبة سامة تستخدم في حفظ الغلال، إنها عانت من عدم مشاركة عائلتها لها لأي مشاعر من الحب والدف العائلي وهو ما أدخلها في أزمة نفسية، طلبت على إثرها عدم مشاركة أسرتها في حضور جنازتها.

عمري ما حسيت بحنية

وقالت الفتاة المنتحرة في رسالتها: "أنا تعبت تعبت أوي واستحملت كتير أوي بس أنا إنسانة عندي طاقة مش قادرة أستحمل كل ده لوحدي، أنا بس كنت محتاجة حد يطبطب عليا، وياخدني في حضنه أنا عمري ما حسيت بحنية أم ولا أب ولا إخوات ولا أصحاب، أنا عايشة لوحدي حرفياً رغم وجود الناس دي حوليا أنا لوحدي، والوحدة وحشة أوي ومُتعبة أوي أنا اتهلكت واتأذيت واتخذلت من أقرب ناس ليا وفي الآخر يتقالي “معلش”، محدش يكلف نفسه يفكر فيا ولا يفكر في إحساسي، أعيش ليه، أعيش لمين، أنا في الوقت ده كنت عاوزة بس اللي يحسسني إني أستاهل أتحب وإن حد يفضل معايا عشاني عشان بيحبني".

وتابعت: "أنا حاربت الناس كلها عشان أبقى كويسة وكل محاولاتي فشلت، اتاكدوا إني موصلتش لهنا بسهولة كده لا والله أنا عافرت عشان موصلش بس للأسف الحزن كان أقوى مني، أتمنى ربنا يسامحني ويحاسبني على تعبي وقلة حيلتي مش على عدم إيماني به، حاجة أخيرا أنا كنت لوحدي ودلوقتي لوحدي فأتمنى محدش من أهلي يحضر جنازتي لإني ماشية زعلانة زعلانة منهم كلهم ومش مسامحة في حق نفسي أبداً، ادعولي بالرحمة افتكروني بالخير وأتمنى متنسيش زي ما كنت منسية وقولوا للشخص اللي ختم نهاية حياتي إنه كان أملي الوحيد وللأسف خذلني، عرفوه إني كنت بحبه عرفووه إني خلاص فارقت الدنيا دي وأنا حزينة وزعلانة على نفسي".

واختتمت الفتاة المنتحرة رسالتها التي تدمي القلوب لشخص مجهول: "هيعرف بالصدفة إني موت زيه زي ناس كتير أوي كانت فحياتي حفلة تخرجي بعد بكرة هي مش حفلة تخرجي من الكلية بس ومن الحياة كلها، ادعولي ربنا يسامحني ومحدش يقولي ماتت كفرة لإن الكُفر هو إني أفضل عايشة مأذية ومنسية ووحيدة".

انتحار الفتاة

وكان اللواء مروان حبيب مدير أمن الدقهلية، قد تلقى إخطارًا من مدير المباحث الجنائية يفيد بورود بلاغ لمركز شرطة بلقاس من مستشفى بلقاس المركزي بوصول فتاة تدعى "رنا . ج" 22 عاما، مصابة بحالة إعياء شديدة نتيجة تناولها قرص كيماوي "حبة الغلة السامة".

وعلى الفور، انتقل ضباط وحدة مباحث مركز شرطة بلقاس وبالفحص تبين مصرع الفتاة، وذلك لمرورها بحالة نفسية سيئة وتعاني من اكتئاب بسبب معاملة أهلها، وتحرر عن ذلك المحضر اللازم وجار العرض على النيابة العامة.