كشفت الإعلامية التونسية رانيا التومي، عن أسرار جديدة بشأن حياتها الخاصة، والسبب وراء قبولها العمل مع المخرج المصري خالد يوسف، وردّ فعل خطيبها حين علم بالأمر.
خطيبي سوري
وقالت رانيا: “أنا مخطوبة وهتجوز قريب. وخطيبي سوري الجنسية ودعمني جدا في خطوة التمثيل في مصر ودخول الوسط الفني المصري. واستغربت جدا من ده لأني من زمان بقوله أنا نفسي أروح مصر وأمثل هناك وبيقولي لأ”.
وأضافت التومي: “توقعت إني لما هقول خطيبي إني هروح أمثل في مصر مع المخرج خالد يوسف هيتخانق معايا. ولكن اتفاجئت إنه بيقولي روحي وأنا هروح معاكي وخليهم يبعتولك سيناريو وهنذاكره مع بعض. وقالي بخصوص جوازنا أنا محضر كل حاجة ما تقلقيش يا روحي”.
وأشارت رانيا إلى رفض خطيبها الكشف عن هويته، للحفاظ على خصوصيتهما.
نشرة ببدلة الرقص
وفيما يتعلق بتقديمها للنشرة الإخبارية في برنامج “ديما لاباس” الذي يتم بثه عبر القناة التاسعة التونسية ببدلة الرقص والطبلة، قالت رانيا: “أنا عمري ما تعمدت أركب التريند. فيه ناس كده ربنا بيديها قبول وربنا بيديها حاجة لما تكون موجودة في أي مكان كل الناس بتجري وتتكلم عليها”.
وأضافت: “أول ما عملت النشرة الجوية كنت بكتب وبعمل الأفكار بنفسي وكل حاجة كانت لايف وأول تجربة إعلامية ليا”.
وتابعت: “قلت مش عايزة أعمل زي المذيعين التانيين ومش عايزة أبقى كلاسيك وعايزة أكون مميزة لنفسي. لأني بحب الشغلانة جدًا وبعملها بشغف ومهمنيش. بس هو ده اللي بحبه وقولت لازم أكون مختلفة. وعايزة الناس لما تتفرج تشوف حاجة حلوة، أنا قولت ألمس فئات معينة”.
لونا
أما فيما يتعلق بمشاركتها في مسلسل “سره الباتع”، قالت رانيا: “خالد يوسف هو اللي رشحني. كلموني المساعدين ومصدقتش في الأول، بعدين طلع بجد ومكنتش مصدقة”.
واوضحت: “قلت يا رانيا لازم تفكري، مبحبش استبق الاحداث فلو جيت مصر لازم أكون مسئولة على نفسي وعلى شغلي. لو انا مش قد ده مروحش، ده التحدي الكبير بالنسبة لي”.
وتابعت: “اتواصلت مع خالد يوسف، كنت مخضوضة وخايفة مكونش قد المسئولية دي. وقالي فيه ورش لازم أخدها عشان اللي كنتي فيه حاجة وده حاجة تانية ودوري صعب ومركب جدًا”.
تفاصيل دورها
كما تحدثت رانيا التومي عن تفاصيل دورها قائلة: “هي شخصية أسمها لونا. ستكون فرنسية وعايشة في مصر، الدور هاتكلم فيه باللهجتين المصرية والفرنسية. وأنا خرجت من رانيا الفرفوشة الحلوة لدور بنت تانية، في حاجات كتير اتصلحت والفضل يرجع للأستاذ خالد يوسف ومش عارفة أشكره إزاي”.
يشار إلى أن المسلسل يضمّ عدد كبير من الفنانين منهم: شمس الكويتية، أحمد السعدني، عمرو عبد الجليل، أحمد فهمي، هالة صدقي، أحمد وفيق، أحمد عبد العزيز، منة فضالي، وعدد آخر من الفنانين.
والمسلسل سيناريو وحوار خالد يوسف، ويشاركه خالد كساب، وإنتاج الشركة المتحدة للخدمات الإعلامية وشركة سينرجي للإنتاج الفني.
