أظهرت تحقيقات النيابة العامة في قضية الفنانة المصرية منة شلبي، المتهمة بحيازة مخدرات للتعاطي، تفاصيل جديدة ومفاجآت مدوية.
ونفت الفنانة منة شلبي، التهم الموجه إليها بحيازة مواد مخدرة بقصد التعاطي في غير الأحوال المصرح بها قانونيًا، حيث أكدت أنها كانت في مدينة نيويورك لحضور مهرجان فني.
أقوال منة شلبي
وأوضحت منة شلبي: "كنت مسافرة نيويورك عشان أحضر مهرجان إنتر ناشيونال أمي أورد، ووصلت مطار القاهرة وعديت على الجمارك وأنا خارجة، وكان معايا 3 شنط والدنيا كانت زحمة وأنا حطيت الشنط اللي معايا على السير عشان يتشاف فيها إيه، ولقيت واحد من اللي واقفين في الجمرك بيقولي معاكي فيب سيجارة إلكترونية، فأنا قلتله إني أنا بدخن فيب، وكنت بفتح الشنطة عشان أوريله الفيب، فلاقيت واحد تاني جه وقالي إحنا هنفتح بقية الشنط نشوفها".
وأضافت: "أنا وافقت وقلتله اتفضل وقعد يقلب في الشنط، وبعدين جه واحد تالت كان بيتفتش معاهم وأنا طلعت الفيب السجائر الإلكترونية، وواحد منهم قالي ممكن تقعدي شويه ووداني أوضة في الجمارك قعدت فيها شوية، والشنط كانت معاهم في الوقت ده".
وتابعت منة شلبي: "بعد شوية لقيت ناس كتير وظباط مطلعين علبة ميكب لونها أخضر، بيقولولي أن دي فيها ماريجوانا فقلتله مفيش الكلام ده مش صح، وده ميكب عادي فلاقيته بيقولي معاكي كوكايين، قلتله أنا مش بشرب الحاجات دي أصلا، وبعدين قالولي طيب استني شوية".
واستطردت الفنانة المصرية: "بعدين أنا بقيت سامعه كلام كتير بره، وبعد ساعتين تلاتة لقيتهم بيقولولي أطلبي المحامي بتاعك، فبقولهم ايه الي حصل قالولي انتي معاكي ماريجوانا، وبعدين قالي انتي هتتعرضي على جهات التحقيق، وبعدين وأنا قاعدة، لقيت أخبار نازلة إني مقبوض عليا ومعايا مخدرات، وفضلت هناك لما جيت هنا، واتعرضت على جهات التحقيق".
محاكمة منة شلبي
وكانت محكمة استئناف القاهرة، عضو مجلس القضاء الأعلى، قد حددت جلسة 5 يناير القادم، لبدء محاكمة الفنانة منة شلبي، أمام محكمة جنايات شمال القاهرة، وذلك بعد اتهامها بحيازة جوهر الحشيش المخدر بقصد التعاطي.
وقررت النيابة العامة، في وقت سابق، إحالة الفنانة منة شلبي، إلى المحاكمة الجنائية أمام محكمة الجنايات في نهاية التحقيقات التي أجريت معها، حيث أسندت إليها تهمة إحراز جوهر الحشيش المخدر بغرض التعاطي في غير الأحوال المصرح بها قانونًا.
وقالت النيابة، إن قائمة أدلة الثبوت تشمل شهادة 5 شهود على الواقعة، وتحريات الشرطة، وما ثبت في تسجيلات كاميرات المراقبة بمحل الضبط في مطار القاهرة الدولي، بالإضافة إلى ما أسفر عنه فحص المعمل الكيمياوي للمضبوطات التي عثر عليها بحوزتها.
