علق الرئيس المصري عبد الفتاح السيسى، على الشائعات التي تم تداولها خلال الأيام القليلة الماضية بيع قناة السويس.
وقال الرئيس أثناء كلمة له في كاتدرائية ميلاد المسيح بالعاصمة الإدارية الجديدة، احتفالاً بعيد الميلاد المجيد: "في ناس بتقول خلي بالكوا قناة السويس مش عارف هيعملوا فيها إيه، خلي بالكوا هيبيعوا حاجات منعرفش إيه".
وتابع السيسي: "لو هنعمل حاجة هنعلن عنها مش هنخبي عليكم حاجة، وزي ما أنا بتكلم معاكوا على طول هتكلم وهقول".
وأضاف الرئيس المصري: "أنا شايف الناس في مصر قلقانة وخايفة، مش هقول إن ده مش مبرر، لكن إحنا مش بنخبي عليكم حاجة، أنا في كل مناسبة بتكلم، فمتديش ودنك لحد أقل ما فيه إنه غير مسؤول".
تعليق الرئيس السيسي
وفيما يتعلق بالشائعات التي تم تداولها مؤخراً حول بيع قناة السويس بعد إقرار مشروع القانون الخاص بإنشاء صندوق قناة السويس، والذى تمت إحالته إلى مجلس النواب: "كل واحد يعرف على قده، الموظف، ثم المدير، لغاية ما نوصل إلى أعلى منصب، يعني حد هيعرف على قداسة البابا في شؤون الكنيسة، بالطبع لا".
واستطرد: "اللي يتكلم إن مكنش يعرف، وأكيد مش هيبقى عارف، أولا ما تخافوش لأسباب كتيرة، أولها إن ربنا موجود، يعني هسيبنا يعني، وهو أعز وأكبر من الكل".
واختتم حديثه قائلاً: "والثاني إحنا كدولة حريصين على التعامل مع الأزمة الاقتصادية العالمية، إحنا ماشيين كويس وإن كنا بنعاني، لكن منخفش ولا نقلق، في ناس بتتكلم كلام كتير، أقل حاجة اللي بيتكلم ما يعرفش".
