وجه إبراهيم سعيد، نجم الكرة المصرية السابق، انتقادات لاذعة للفنان المصري أحمد حلمي، عقب انتشار مقطع فيديو أثار الجدل، ظهر فيه حلمي وهو يسخر من الملحن مصطفى جاد، زوج المطربة كارمن سليمان، خلال عرض مسرحي ضمن فعاليات "موسم الرياض".
اقرأ أيضًا:
- على طريقتها.. فيفي عبده تشارك في تحدي "الحركة دي" لأحمد حلمي (فيديو)
- أول تعليق من أحمد حلمي على فيلم "أصحاب ولا أعز"
تصريحات أحمد حلمي
وفي الفيديو، بدا حلمي وكأنه ينكر معرفة مصطفى جاد، قائلاً له بنبرة ساخرة: "انت مين؟"، فرد عليه جاد بأنه "مصري"، ليجيبه حلمي: "مصري وقاعد صف أول؟ أكيد معزوم"، وهو تعليق اعتبره البعض إهانة، مما أشعل موجة من الانتقادات على مواقع التواصل الاجتماعي.
وعبر برنامجه على قناة "النهار"، عبر إبراهيم سعيد عن استيائه الشديد قائلاً: "الفيديو كان مستفز جدًا، وأنا كمصري شعرت بالإهانة، ودي إهانة لكل المصريين، لأن محدش يقبل يتكلم عن بلده وأهلها بالشكل ده".
وتابع هجومه على أحمد حلمي: "إزاي ممثل بحجمه يتكلم مع مواطن مصري بالطريقة دي؟ هل عشان هو مصري يبقى مايستحقش يقعد في الصف الأول؟ طول عمرنا كمصريين في الصف الأول، سواء في الفن أو أي مجال، وإحنا اللي علمنا العالم كله يعني إيه فن حقيقي".
واصل إبراهيم سعيد تصريحاته قائلاً: "مينفعش عشان الواحد اختفى أو اتنسى يبقى بيحاول يرجع بطريقة غير لائقة! لو مش لاقي حاجة ترجعك للساحة، مش لازم تقلل من أهل بلدك أو تتعامل معهم بتعالي، الناس اللي دعمتك وخليتك نجم مينفعش تقلل منها".
كما لمح سعيد إلى تراجع نجومية حلمي، مضيفًا: "المصري معروف عنه الكرامة، ولو معاه آخر جنيه هيصرفه عشان يبقى مبسوط، بس انت يا حلمي بقلك 14 سنة مش فاكرين لك آخر عمل ناجح، اللي ملوش خير في بلده والناس اللي صنعت اسمه، عمره ما هيكون ليه خير في أي مكان تاني".
