فلسطين - البوابة 24
حقق المطرب المصري بهاء سلطان، مليون و533 ألف مشاهدة بأغنيته الجديدة، التي تحمل اسم "دلوقتي عجبناكوا"، وذلك بعد طرحها أول أمس الخميس 15 سبتمبر، عبر القناة الرسمية لشركة روتانا للصوتيات والمرئيات عبر موقع الفيديوهات يوتيوب.
وأغنية "دلوقتي عجبناكوا"، لـ بهاء سلطان، من كلمات: منة القيعي، ألحان: عزيز الشافعي، توزيع موسيقي: احمد عادل، مكس: ماهر صلاح، ماستر: جلال حمداوي، منتج فني: سعيد إمام.
كلمات أغنية دلوقتي عجبناكوا:
دلوقتي عجبناكوا ؟
ما كنا حلوين ومعاكوا !
فجأة الشوق آهو جابكوا
طب إيه كان مشّاكوا ؟
أيوة إحنا إحلوينا
لأ وكمان بقينا
صعب يخش علينا
كلمة ودمعتين
كنا زمان حاجة تانية
غلب وطيبة الدنيا
كنا بنيجي ف ثانية
كنتوا ساعتها فين
دلوقتي بقينا فلة
ده إنتوا كسرتوا ورانا قلة
ومشينا وسايبينها على الله
كدة فجأة وجعناكوا
عارفين أيوة قسينا
نشفنا ورانا رمينا
دنيا بنت لذينة
يوم سلف يوم دين
والله مش ندية
ولا عِند ولا أذية
أصل المواضيع ديا
خلصت من سنتين
دلوقتي إتقدرنا
ده إحنا ياما إتكدرنا
يلا قدركم وقدرنا
تيجوا بعد ما ننساكوا
بهاء سلطان ينتظر رأى الجمهور فى الأغنية
وكان بهاء سلطان قد بدأ في الترويج للأغنية منذ عدة أيام على صفحته الشخصية بموقع التواصل الاجتماعي "إنستجرام"، حيث كتب: "انتظروني قريبا جدا مع شركة روتانا وأول اغنية بعد الرجوع “دلوقتي عجبناكو“ ومستني رأيكوا في الأغنية ومشاركتكم من خلال مقاطع الريلز على انستجرام وفيس بوك".
